Ger vitlíki brúkiligt á tykkara arbeiðsplássi

Vitlíkisskeið fyri fyritøkur

Eg komi út til tykkum og haldi eina handaliga verkstovu, har starvsfólkini læra at brúka vitlíki í sínum dagliga arbeiði. Vit venja við viðkomandi uppgávum og læra at fáa brúkilig svar og kanna úrslitini, áðrenn tey verða brúkt. Vanliga skeiðið varir tríggjar tímar og verður lagað til tykkara arbeiði og royndir.

Hetta fáa tit burtur úr skeiðinum

• Venjing við egnum uppgávum - Starvsfólkini royna vitlíki við dømum, sum eru viðkomandi fyri teirra dagliga arbeiði.
• Greið boð og brúkilig svar - Luttakararnir læra at geva greið boð og arbeiða víðari við svarunum, so tey verða meira gagnlig.
• Trygd og eftirkanning - Vit fara ígjøgnum, hvørjar upplýsingar kunnu deilast, nær góðkenning krevst, og hvussu svarini skulu kannast.
• Eitt egið yvirlit - Hvør luttakari fær eitt skrivligt yvirlit yvir uppgávur, sum viðkomandi kann brúka vitlíki til í sínum arbeiði.

Skeiðið er bæði fyri nýbyrjarar og fólk, sum longu brúka vitlíki, men vilja læra meira. Dømi og venjingar verða lagað til tykkara arbeiði og royndir.

Tit kunnu avtala longri skeið, fleiri verkstovur ella uppfylging, um tit vilja arbeiða víðari. Innihald, longd og prísur verða avtalað frammanundan.

Uppseting av skipanum, arbeiðið við felags leiðreglum og uppfylging verða avtalað serstakt.

Les um skeiðið og fyrireikingina · Bið um tilboð

Hetta siga okkara kundar

Viðmerkingar frá luttakarum á verkstovum hjá Vitlíkisstovuni.

• "Sera væl nøgd – tillagað til júst tað, vit høvdu tørv á."

  Hildur Durhuus, Samskipari · Nýskapan í ferðavinnuni 2026

• "Bæði hugvekjandi og læruríkt – viðkomandi fyri leiðarar og starvsfólk."

  Reidar Luid, Forritan og menning · Betri Banki

• "Greið, viðkomandi og beinanvegin gagnlig í praksis."

  Elin Brimnes, Arkitekt · Kontrast

• "Gav okkum betri fatan og fleiri góð hugskot at taka víðari."

  Sigrið Zachariasen, Dagligur leiðari · Reyði Krossur Føroya

• "Áhugaverd og løtt at skilja – gav greiðari fatan av, hvussu eg brúki ChatGPT í mínum arbeiði."

  Sóley Hammer, Leiðari · Hugskotið

• "Greið og viðkomandi – gav okkum nógv nýggj hugskot til ChatGPT-nýtslu."

  Guðrið Højgaard, Stjóri · Visit Faroe Islands

• "Spennandi og lærurík - gav eina greiðari fatan av tryggari nýtslu."

  Fríði Jensen, HR Data Specialist · Bakkafrost

Ráðgeving og verkætlanir

Eg arbeiði við bæði vitlíkisstrategi og vitlíkismenning. Mín uppgáva er at gera vitlíki nýtiligt fyri teg.

• Tað almenna - Framløgur um vitlíki og málrættaðar vitlíkisverkstovur. Evni: visjónir og heildarætlanir fyri vitlíki, hvussu tit tryggja skilagóða nýtslu og sunnan etikk.
• Fyritøkur - Skeið í vitlíki, menning av loysnum við vitlíki og málrættað ráðgeving.
• Skapandi vitlíki - Við vitlíki geri eg myndir, heimasíður, filmar, tónleik og mangt annað fyri teg. Eisini tað, ið tú ikki hevur hugsað um enn.

Microsoft Copilot á føroyskum

Vitlíkisstovan heldur handalig Microsoft Copilot-skeið fyri føroyskar fyritøkur og stovnar. Skeiðið verður lagað eftir Copilot-heitinum í forritinum, loyvinum, uppsetingini og teimum arbeiðsuppgávum og leiðreglum, sum luttakararnir veruliga hava.

• Les um munin á Copilot Chat (Basic), M365 Copilot (Basic) og M365 Copilot (Premium).
• Sí, hvat er trygt at deila við ChatGPT og Copilot.
• Fá eina ætlan í fimm stigum fyri at byrja við vitlíki á arbeiðsplássinum.

Hví Vitlíkisstovan?

Vitlíkisstovan er fyrsta fyritøkan av sínum slag í Føroyum. Her sameini eg tøkniliga fatan og staðbundnan kunnleika og havi frá byrjan hugsað langskygt um, hvussu vitlíki best kemur føroyskum fyritøkum til gagns. Málið er ikki einans at nýta nýggj amboð, men eisini at bøta um arbeiðshættir og avgerðartilgongdir og gera vitlíki til eitt munagott amboð í tykkara arbeiðsmentan.

• Føroyskt í hásæti - Eg veiti vegleiðing, ið virðir okkara mál og mentan. Eg havi serkunnleika í, hvussu ein fær góð úrslit á føroyskum, og hvar vitlíki enn hevur sínar avmarkingar. Og so er tað stuttflutt.
• Yrkisligt og veruligt - Eg taki spurningar og stúran hjá starvsfólkum í álvara. Vit arbeiða við ítøkiligum uppgávum, greiðum leiðreglum og ábyrgdarfullari nýtslu av vitlíki.
• Greitt samskifti - Vitlíkisstovan miðlar fløkt hugtøk á einfaldan hátt. Umvegis verkstovur, framløgur, arbeiðsleistir og annað tilfar verður stórur dentur lagdur á, at tingini verða greidd frá, so tey eru til at skilja.
• Úrslitagott og smidligt - Tit arbeiða beinleiðis saman við mær frá fyrstu samrøðu til undirvísing og uppfylging. Vit avtala arbeiðið út frá tí, tit hava tørv á.

Hvør stendur aftanfyri?

Gunnleygur Clementsen - Stovnari og vitlíkisráðgevi. Eg stovnaði Vitlíkisstovuna fyri at hjálpa føroyskum fyritøkum og stovnum at brúka vitlíki á ein hátt, sum gevur meining í veruligum arbeiði. Ikki sum eitt nýtt orð í eini heildarætlan. Men sum eitt amboð, ið kann spara tíð, lyfta góðsku og geva starvsfólkum betri arbeiðsumstøður. Eg eri útbúgvin elverkfrøðingur frá DTU og havi brúkt vitlíki til veruligt arbeiði síðani 2022. Síðani 2023 havi eg arbeitt við føroyskum arbeiðsplássum fyri at finna út, hvar tøknin veruliga ger mun, og hvar hon ger meira skaða enn gagn.

Úrvald úrslit og samstørv

• Vegleiðingar - Mínar vegleiðingar veita ávísum arbeiðsbólkum innlit í júst, hvørjar arbeiðsuppgávur fólkini í teimum kunnu loysa við vitlíki, og hvørjar uppgávur ikki hóska til vitlíki. Í vegleiðingunum eru byrt og frymlar við ítøkiligum og viðkomandi uppgávum og dømi um, hvussu vitlíki verður brúkt til at loysa tær. Eitt úrslitagott arbeiðsamboð, ið tú ikki vilt vera fyriuttan.
• Verkstovur - Áður havi eg havt verkstovur fyri fakbólkum við lærarum, námsfrøðingum, rithøvundum og skrivstovufólki av alskyns slagi. Verkstovurnar hava til endamál at greiða frá vitlíki á einfaldan og nýtiligan hátt, so at øll kunnu vera við. Harafturat eru verkstovurnar handaligar, so at luttakararnir í verki kunnu loysa viðkomandi arbeiðsuppgávur við vitlíki.
• Sergjørt amboð til týðing úr donskum til føroyskt - Onkuntíð er tað nóg mikið, um vitlíki hjálpir við einari ávísari uppgávu. Eitt nú um tú skalt týða donsk skjøl til føroyskt. Hetta var ein av uppgávunum, ið eg loysti fyri ein kunda.
• Skapandi vitlíki: myndir, filmar og annað - Vitlíki kann skapa alt millum himmal og jørð: myndir, filmar, tónleik og nógv annað. Eg deili regluliga ymiskt tilfar, ið eg skapi við vitlíki, umframt tíðindi um vitlíki, á sosialu miðlunum hjá Vitlíkisstovuni. Fylg Vitlíkisstovuni her:

Hug at byrja?

Sig mær, hvat tú hugsar, so sigi eg tær, hvussu vitlíki kann hjálpa.

Teldupostur: info@vitlikisstovan.fo

Telefon: +298 919444